«Հրապարակ» օրաթերթը երեկ երեկոյան տեղեկացել է, որ քրեական գործ է հարուցվել Դատական դեպարտամենտի աշխատակազմի կադրերի վարչության նախկին պետ Անգին Իսախանյանի նկատմամբ:
Պարբերականը հիշեցնում է, որ նա մի քանի օր առաջ ցուցմունք էր տվել Դեպարտամենտի ղեկավար Միսակ Մարտիրոսյանի դեմ, և վերջինս հարցաքննվել էր որպես կասկածյալ՝ կաշառքի գործով:
«Մենք տեղեկացանք, որ Իսախանյանին թեև նախապես խոստացել են, որ եթե ցուցմունք տա, իր դեմ գործ չի հարուցվի, սակայն ցուցմունք տալուց հետո հարուցվել է՝ որպես կաշառքի միջնորդի: Երեկ մենք կապվեցինք Իսախանյանի հետ, ով եռանդով հերքեց իր դեմ քրեական գործ հարուցելու փաստը, ասելով, որ ինքը «խորհրդակցության է և այժմ չի կարող խոսել»: Մենք պարզեցինք, որ իրականում նա գտնվում է ոստիկանության 6-րդ վարչությունում, որտեղ էր նաև Միսակ Մարտիրոսյանը: Նրանց հետ քննչական գործողություններ էին կատարվում»,-գրում է թերթը:
Հոդվածն ամբողջությամբ՝ կարդացեք «Հրապարակ» օրաթերթի այսօրվա համարում:
