Սթեյսի Ֆերգյուսոնը ծնվել է 1975-ի մարտին՝ Կալիֆոռնիայում: Դեռևս մանուկ հասակում նա երգել է երգչախմբում, զբաղվել՝ պարով: Մեծանալով՝ նա նկարահանվել է հեռուստաշոուում:
90-ականների սկզբում Ֆերգին դարձել է Wild Orchid խմբի մեներգչուհի, որտեղից շուտով հեռացվել է՝ երգացանկից դժգոհելու, ինչպես նաև թմրանյութերից կախվածություն ունենալու պատճառով:
2003-ին նա դարձել է Black Eyed Peas խմբի անդամ, իսկ մի քանի տարի անց դրան զուգահեռ զբաղվել է նաև անհատական կարիերայով:
Եթե նախկինում նա նախընտրում էր սպորտային ոճի հագուստներ, ապա այժմ Ֆերգին կրում է շքեղ, դիզայներական, կազմվածքն ընդգծող զգեստներ:
Երգչուհին սիրում է փոխել մազերի ձևը և գույնը, սակայն՝ ոչ չափսը:
Գեղեցիկ կազմվածքը պահպանելու համար Ֆերգին անձնական մարզիչ չունի, քանի որ չի սիրում որևէ մեկի հրահանգները կատարել: Իսկ նրա դիետայի գաղտնիքն այն է, որ ուտում է 3 ժամը մեկ:
Երգչուհին նաև պնդում է, որ երբեք չի դիմել պլաստիկ վիրաբույժների ծառայություններին, գրում է Spletnik.ru-ն:
