Սյունիքի նախկին մարզպետ Սուրիկ Խաչատրյանը, ինչպես տեղեկացրել էր aravot.am-ը, դիմել է դատարան՝ Գորիսի նախկին քաղաքապետ Սամվել Հարությունյանից իրեն զրպարտելու համար պահանջելով 1.5 մլն դրամ: Մասնավորապես, ըստ Սուրիկ Խաչատրյանի, զրպարտություն է այն, որ ինքը կրակել և սպանել է իրենից հղի, իր սիրուհի Արևիկ Միրզոյանի չծնված երեխային: Գործին էլ կցված է Արևիկ Միրզոյանի բացատրությունը, որ ինքը ոչ թե Սուրիկ Խաչատրյանի սիրուհին է, այլ՝ Սամվել Հարությունյանի:
Aravot.am-ի հարցին՝ այդ ժամանակ՝ 96-ին, Սուրիկ Խաչատրյանը լծակ չունե՞ր՝ Մարտին Զիլֆուղարյանը պատասխանել է. «Սամվել Հարությունյանն էլ քաղաքապետ էր, ես հիմա ի՞նչ իմանամ ով ինչ լծակ ուներ»:
Փաստաբանը հերքել է, որ Սուրիկ Խաչատրյանը հիմա կարող էր ճնշում գործադրած լիներ Արևիկ Միրզոյանի վրա. «Չեմ կարծում, որովհետև դա այնքան ակնհայտ է, հսկողության տակ է ամեն ինչը, չեմ կարծում, որ նման բան լինի: Հետո վերջին հաշվով փաստաթղթերից երևում է, որ Սամվել Հարությունյանը և Արևիկ Միրզոյանը աշխատել են համատեղ՝ մշակույթի բաժնում: Բնականաբար, նրանք ավելի ծանոթ են եղել, ավելի մտերիմ են եղել: Սամվել Հարությունյանն ասում է՝ ոչ պաշտոնական մեկ անգամ եմ հանդիպել Արևիկի հետ: Եթե նրանք միասին աշխատում են, ո՞նց կարող էին չհանդիպել»:
Մանրամասները՝ aravot.am-ում
