Մենք չունենք Սննդամթերքի անվտանգության պաշտպանության ծառայություն: ՍԱՊԾ-ի նկատմամբ հասարակության մոտ կա անվստահություն: Այս մասին «Առաջին լրատվական»-ի հետ զրույցում նշեց «Իրազեկ և պաշտպանված սպառող» ՀԿ նախագահ Բաբկեն Պիպոյանը՝ անդրադառնալով օրերս ՍԱՊԾ պետի այն հայտարարությանը, որ կաթնամթերք վերամշակող և պաղպաղակ արտադրող ընկերություններում ուսումնասիրություններ են կատարվել և հայտնաբերվել են վտանգներ:
«ՍԱՊԾ պետը հանցագործության մասին հաղորդում է տվել և մասնակից դարձել սպառողների առողջությանը վնասելուն: Այս կառույցը բացակայում է մեր կյանքում, այն ուղակի գրանցված է թղթի վրա: ՍԱՊԾ-ն խայտառակ վարկանիշ ունի, բայց ինչ անի սպառողը:»,-նշեց Պիպոյանը:
Հարցին, իսկ ինչո՞ւ ՍԱՊԾ պետը որևէ ընկերության անուն չի հնչեցնում, Պիպոյանը վստահեցրեց. «Ես համոզված եմ, որ ստուգումներ և ոչնչացումներ չեն եղել: Այսօր մարդիկ դուրս են եկել սեփական իրավունքների պաշտպանության համար, ասելու, որ ՍԱՊԾ-ն սուտ կառույց է»:
Պիպոյանը հարց է բարձրացնում՝ ինչու է ՍԱՊԾ-ն խաբում մարդկանց. «Երևանի քաղաքապետարանը երկու տարի է առանց ձեզ մանկապարտեզների համար սպանդանոցային ծագման մսի վաճառքի տենդեր է հայտարարում, մեկ անգամ ՍԱՊԾ-ն ստուգե՞լ է: ՍԱՊԾ-ն սննդամթերքի անվտանգություն, ագրարային քաղաքականություն չգիտի,-եզրափակեց Պիպոյանը:
Մանրամասները՝ տեսանյութում
