Ռայան Ռեյնոլդսից ամուսնալուծվելուց հետո դերասանուհի Սքարլեթ Յոհանսոնն առաջին անգամ խոսել է դրա պատճառների մասին: Այս մասին գրում է 7days.ru կայքը:
«Կարող եմ ասել, որ ես անթույլատրելի եմ համարում անիմաստ խանդը: Ո՛չ, ես դեմ չեմ այն բանին, որ կինը կամ ամուսինը ժամանակ առ ժամանակ հետաքրքրվեն իրենց համար ոչ այնքան պարզ հարցերով, ստուգեն կասկածները, դա նորմալ է: Սակայն մշտական վերահսկողություն սահմանելու հակումն ագրեսիայի է հանգեցնում: Դա ինձ համար անտանելի, հրեշավոր և անընդունելի է»,- ասել է Յոհանսոնը:
Դերասանուհին խոստովանել է, որ չի զղջում Ռայանին հանդիպելու համար:
