Մեքսիկայում «Ինգրիդ» և «Մանուել» տարերային աղետների պատճառած վնասի ընդհանուր չափը գնահատվում է 75 մլրդ պեսո (մոտ 6 մլրդ դոլար), որից ապահովագրությունը կծածկի միայն 20 տոկոսի վնասը՝ 1.2 մլրդ դոլար: Այս մասին հայտնել է Մեքսիկայի ապահովագրական ինստիտուտների ասոցիացիայի գլխավոր տնօրեն Ռեկարեդո Արիասը:
Արիասն ընդգծել է, որ «Ինգրիդը» և «Մանուելը» կարող են դառնալ Մեքսիկայի պատմության մեջ ամենաթանկ բնական աղետները:
Տարերային աղետները, որոնք միաժամանակ Մեքսիկային հարվածել են Ատլանտյան ու Խաղաղ օվկիանոսներից, խլել են 145 մարդու կյանք, վիրավորների թիվը հասել է 35-ի, անհետ կորել է 53 մարդ:
Լրջորեն վնասվել է մոտ 240 հազար բնակչի գույք, իսկ աղետի այս կամ այն հետևանքներից տուժածների ընդհանուր թիվը հասնում է 1.2 մլն-ի:
