Ռուսաստանը կշարունակի պաշտպանել Բաքվում երեք տարվա ազատազրկման դատապարտված բլոգեր Ալեքսանդր Լապշինի իրավունքները և շահերը: Այդ մասին հայտնում է RIA Novosti-ն՝ վկայակոչելով ՌԴ ԱԳՆ-ին։
«Այսօր Բաքվի ծանր հանցագործություններով դատարանը դատապարտել է ՌԴ քաղաքացի Ալեքսանդր Լապշինին 3 տարվա ազատազրկման: Ինչպես հայտնի է, նախկինում Լապշինին ներկայացված մեղադրանքները կապված են ԼՂ այցելության հետ»,- ասվում է հաղորդագրությունում։
ՌԴ ԱԳՆ-ը հիշեցրել է, որ «մեր սկզբունքային մոտեցումն այդ գործին արդեն նշվել է. մենք դեմ ենք լրագրողների կամ մասնավոր անձանց կողմից այս կամ այն տարածաշրջանում այս կամ այն տարածք այցելությունների քրեականացմանը»:
«Կշարունակենք ՌԴ քաղաքացու օրինական իրավունքների և շահերի պաշտպանությանն ուղղված աշխատանքները»,-հայտնել են ԱԳՆ-ում՝ հավելելով, որ Ադրբեջանում ՌԴ դեսպանատան ներկայացուցիչները կապ են պահպանում Լապշինի և նրա փաստաբանի հետ։
