ԱՄՆ-ը միջմայրցամաքային ռազմավարական հրթիռների և նրանց վրա տեղադրված մարտագլխիկների քանակով գերազանցում է աշխարհի մնացած երկրներին: Այս մասին տեղեկանում ենք նախօրեին ԱՄՆ պետքարտուղարության կողմից տարածված մամուլի հաղորդագրությունից:
Ըստ այդ փաստաթղթի՝ ԱՄՆ-ն ունի 882 միջմայրցամաքային ռազմավարական տեղակայված հրթիռներ, հրթիռներ սուզանավերի և ծանր ռմբակոծիչների վրա, մինչդեռ Ռուսաստանն ունի 521-ը:
Մարտագլխիկների քանակը կազմում է 1800 միավոր, Ռուսաստանն ունի 1537-ը: Այս տեղեկությունները տարածվել են Ռազմավարական հարձակողական սպառազինությունների նոր պայմանագրի վերաբերյալ ԱՄՆ-ի և Ռուսասատանի նախագահներ Բարաք Օբամայի և Դմիտրի Մեդվեդևի միջև տեղի ունեցած քննարկումներից հետո:
Հաղորդագրության մեջ նաև նշվում է, որ այս տեղեկությունների թարմացումները կհրապարակվեն ամեն կես տարին մեկ: