Օրենքը, որը կարգավորում է պատիժը անձնական կարիքների համար փոքր քանակությամբ մարիխուանա պահելու համար, կարող է մեղմացվել, եթե ճամայկացի խորհրդարանականները կարողանան պայմանավորվածություն ձեռք բերել՝ փոխանցում է The Australian-ը:
Այդքան վիճելի հարցի քննարկումը տեղի է ունենում մարիխունայի շրջանառությունը կարգավորող օրենքը մեղմացնելու վերաբերյալ երկրի որոշ ազդեցիկ քաղաքական գործիչների և բիզնես ներկայացուցիչների կոչերի ֆոնին: Այս առնչությամբ քվեարկություն դեռևս չի նշանակվել: Նշենք, որ մարիխուանան այս երկրից արտահանվող հիմնական արտադրանքն է:
Իշխող կուսակցության պատգամավոր Ռեյմոնդ Փրայսի խոսքով՝ այդ բույսի ապաքրեականացման համար կա գիտական և կոմերցիոն պոտենցիալ, քանի որ մարիխուանան վաղուց դարձել է Ճամայկայի պատմության մի մասը:
Ներկայում մարիխուանան օրինականացված կամ ապաքրեականացված է Նիդերլանդներում, Կանադայում, Չեխիայում, Իսպանիայում, Պորտուգալիայում և ԱՄՆ մի քանի նահանգում:
