Երևանի Կենտրոն և Նորք-Մարաշ վարչական շրջանների ընդհանուր իրավասության դատարանում «Զինված խմբի» գործով նիստի մեկնարկին այսօր՝ հուլիսի 14-ին, «Հայրենիք և պատիվ» կուսակցության նախագահ Գառնիկ Մարգարյանը լրագրողների հետ զրույցում հայտարարեց, որ ինքն այս գործի հետ որևէ կապ չունի:
Հարցին՝ ընդունո՞ւմ է իրեն առաջադրված մեղադրանքը, թե՞ ոչ, նա պատասխանեց. «Սա ի՞նչ դատավարություն է, սա դատավարություն չէ: Չգիտե՞ք, որ ես չեմ ընդունում ինձ առաջադրված մեղադրանքը, ես ի՞նչ կապ ունեմ էս ամեն ինչի հետ: 20 տարի է՝ մնացել եմ իշխանության կոկորդին, միշտ ասել եմ, որ մի թալանեք, մի գողացեք»:
Նշենք, որ դատական նիստը մեկնարկեց և ընդմիջվեց, որպեսզի նիստից բացակայող փաստաբանները ներկայանան:
