Էներգետիկայի դիվերսիֆիկացիան Եվրասիայի միջև գործելակերպի նոր միջոց է՝ ասել է Թուրքիայի արտգործնախարար Ահմեդ Դավութօղլուն Կասպիական ֆորումի քննարկումների ընթացքում՝ փոխանցում է Trend գործակալությունը:
Նրա խոսքով՝ նոր միջոցը նոր խթան կհաղորդի, և ԵՄ-ն դրա կարիքն ունի: «Հուսով եմ, որ ԵՄ-ն կհասկանա գործերի վարման նոր տեսակի ակտուալությունը»,- ասել է նախարարը:
«Ինչո՞ւ ենք մենք լավատես. թուրք-ադրբեջանական համագործակցությունը նշանակում է լիարժեք վստահություն: Թուրքիայի աշխարհագրությունն Ադրբեջանի համար դարձել է ակտիվ: Ադրբեջանական գազն էլ դարձել է ակտիվ Թուրքիայի համար: Բնական ռեսուրսներ՝ գումարած աշխարհագրություն: Մենք չենք տեսնում ոչ մի մրցակցություն: Սակայն մեր բարեկամներն ու հարևանները ցանկանում են լինել դրա մի մաս, ինչը կդառնա նոր զարգացող Եվրոպա»,- ասել է Դավութօղլուն:
Թուրքիան տարածաշրջանի խոշորագույն շուկան է և անցում է ստեղծում արտադրողից դեպի սպառող՝ հավելել է Դավութօղլուն:
Կասպիական ֆորումը հարթակ է, որտեղ ուսումնասիրվում է Կասպիական տարածաշրջանի տնտեսական, քաղաքական և ռազմավարական ներուժը:
Հիշեցնենք, որ Կասպիական ֆորումի գլխավոր թեման Եվրոպայի էներգետիկ անվտանգության ոլորտում «Հարավային գազային միջանցքի» դերն է:
