Հայաստանցիների մեծ մասի համար ամառային հանգստի անցկացման լավագույն նպատակակետը մնում է Անթալիան: Ըստ «Վիփ» տուրիստական գործակալության տվյալների՝ Հայաստանից հանգստի մեկնողների 60%-ը նախընտրում է այս թուրքական ծովափնյա գոտին։
Հայաստանցիների մեջ նորից հետաքրքրություն է առաջացել վրացական հանգստի գոտիների հանդեպ։ Անցյալ տարվա համեմատ ավելացել են Քոբուլեթի և Ուրեկի ուղղություններով պատվերները։
Եվրոպա մեկնող հայաստանցիների մեծ մասը նախընտրում են Իսպանիայի և Իտալիայի ծովափնյա գոտիները,- այս մասին հայտնում են Էլիտար տուրիստական գործակալությունից։ Այնուհանդերձ, Եվրոպա ուղղությամբ պատվերները պակասել են, ինչը հավանաբար պայմանավորված է նաև ավիատոմսերի թանկացմամբ։ Նախկին գնի համեմատ ավիատոմսերը գինը բարձրացել է մոտ 20%-ով։
