Ամպրոպը, կարկուտը, պտտահողմն ու այլ եղանակային անակնկալներ Ավստրիայի մայրաքաղաք Վիեննային 15 մլն եվրոյի վնաս են պատճառել։ Այս մասին հայտնում է Heute պարբերականը։
Նշվում է, որ կարկուտը եղել է գոլֆի գնդակի չափսերի։ Գյուղատնտեսությունը լուրջ վնաս է կրել։ Վնասվել է մոտ 10 հազար հեկտար գյուղատնտեսական նշանակության տարածք։ Կարկուտը ջերմոցների ապակիներ է կոտրել։ Տուժել են հատկապես Վիեննայի մի քանի շրջաններն ու մերձակայքը։
Տեղատարափ անձրևներից ու խոշոր կարկուտից բացի, մայրաքաղաքը դարձել է Վիեննայի համար այնպիսի հազվագյուտ երևույթի ականատեսը, ինչպիսին պտտահողմն է։
