Microsoft ընկերությունը հայտնել է մասշտաբային վերակազմավորման մասին, որի արդյունքում մի քանի հազար աշխատակից կկրճատվի։ Այս մասին հայտնում է CNBC-ն։ Նշվում է, որ աշխատակիցների մեծ մասը կհեռացվեն վաճառքի ոլորտից։ Հեռուստաալիքի հաշվարկներով՝ խոսքը մոտ 3000 աշխատողի հեռացման մասին է։
Microsoft-ը ծրագրում է կենտրոնանալ Azure «ամպային» ծառայության վրա։ Վերջին եռամսյակում ընկերությունն այդ ոլորտում գրանցել է վաճառքի 93 տոկոսանոց աճ։
Այդուհանդերձ, ինչպես նշում է CNBC-ն, 3000 աշխատողի հեռացումն այնքան էլ լուրջ չի երևում, եթե հաշվի առնենք, որ ընկերությունը ողջ աշխարհում մոտ 121 հազար աշխատող ունի։
