«Տեսականորեն, այո, այդպես է, եթե մարդիկ երկու անգամ նախագահ են լինում՝ պետք է փոփոխություն լինի. սա ժողովրդավարության էլեմենտ է։ Բայց նույնիսկ եվրոպական երկրներում մենք տեսնում ենք, որ կան մարդիկ՝ 15-20 տարի պաշտոնավարում են։ Նրանք, սակայն, ընտրվում են այնպիսի ժողովրդավարական համակարգով, որ որևէ խնդիր չի առաջանում»,- «Առաջին լրատվական»-ի հետ զրույցում անդրադառնալով անցումային փուլի համար ԼՂՀ նախագահ Բակո Սահակյանի առաջադրմանը նախագահի պաշտոնում՝ ընդգծեց ՀՀ ԱԺ նախկին պատգամավոր Թևան Պողոսյանը։
«Վերցնենք Գերմանիան՝ Անգելա Մերկելը, ժամանակին՝ Մարգարիտ Թետչերը՝ արդյոք Անգլիան հետընթա՞ց էր ապրում, Չերչիլը երեք անգամ վարչապետ է եղել։ Ամբողջ խնդիրն այն է, որ մենք ոչ թե Հայաստանից պետք է նստենք ու մտածենք՝ պիտակավորենք կամ չպիտակավորենք արցախցիներին, այլ սկզբնական հասկանանք, որ բարոյական իրավունք կունենայինք խոսել, եթե այնտեղ ապրեինք, հետո օգնենք ու հասկանանք խնդիրը։ Մենք խնդիր ունենք Արցախը աշխարհին ներկայացնելու, ադրբեջանական պրոպագանդայի՞ն սպասարկենք։ Եթե իրենց ընտրությունը դա չլիներ՝ այլ հարց է»։
Հարցազրույցն ամբողջությամբ՝ տեսանյութում:
