«Ելք» խմբակցության ղեկավար Նիկոլ Փաշինյանի հարցն առնչվում էր «Հյուսիս-հարավ» ճանապարհին. «Մյուս տարի մենք նորից կարո՞ղ ենք տեսնել Հյուսիս-հարավ մայրուղու ինչ-որ մոռացված հատված, ի՞նչ կարող եք մեզ ասել շահագործման հանձնված հատվածների մասին»:
«2016 թվականին Վերահսկիչ պալատը այդ դաշտում վերահսկողություն չի իրականացրել: Չի նախատեսվում նաև 17 թվականի կտրվածքով»,- պատասխանեց Վերահսկիչ պալատի նախագահ Լևոն Յոլյանը՝ տարակուսելով, թե հարցը որքանով է կապված բուջեի կատարողականի հետ:
Պատգամավորը հիշեցրեց. «2016 թվականին արտաքին պետական պարտքի շրջանակներում գումար է ծախսվել, և ինչ-որ աշխատանք է իրականացվել: Չպե՞տք է հասկանանք, որ փողը ծախսվել է, արդյունքում ի՞նչ ենք ստացել. ստացել ենք ճանապարհ, որը նորոգելու համար 3 տարուց հետո էլի պետք է կրկնակի վարկ վերցնե՞նք: Բա նախկինում ձեր վերահսկողության արդյունքները ի՞նչ են եղել»:
Մանրամասները՝ տեսանյութում:
