ՄԱԿ-ի գլխավոր ասամբլեան հաստատել է նոր ֆինանսական տարում խաղաղապահ գործողություններին հատկացվելիք բյուջեն, որը սկսվում է հուլիսի 1-ից: Այս մասին հայտնում է BBC-ն:
Փաստաթղթում նշվում է, որ ողջ աշխարհում 14 առաքելության իրագործման համար 7.3 մլրդ դոլար կծախսվի, ինչը մոտ 600 մլն դոլարով պակաս է, քան նախորդ բյուջեով հատկացված միջոցները:
ԱՄՆ-ը, որը ՄԱԿ-ի հիմնական դոնորն է, ողջունել է ծախսերի կրճատումը, սակայն հայտարարել է, որ առավել լուրջ խնայողության հույս ուներ:
Միևնույն ժամանակ ՄԱԿ-ի գլխավոր քարտուղարի պաշտոնական ներկանացուցիչ Ստեֆան Դյուժարիկը հայտարարել է, որ չնայած ֆինանսավորման կրճատմանը` ՄԱԿ-ը ձգտելու է, որ հակամարտության գոտիներում խաղաղության պահպանման առաջադրանքները կատարվեն հարկ եղած չափով:
