Պլաստիկ վիրաբույժները մտածել են, թե ինչպես հետվիրահատական շրջանը 6 շաբաթից կրճատել մինչև մեկ շաբաթ: Այդ նպատակով նրանք սկսել են բարձր տեխնոլոգիական սոսինձ օգտագործել: Ֆիբրինային սոսինձն արագացնում է վերքերի ապաքինումը և կրճատում է սպիերը:
Այժմ կենսաբանական հյուսվածքները կարելու փոխարեն՝ վիրաբույժներն օգտագործում են հատուկ բաղադրություն ունեցող սոսինձը:
«Ֆիբրինային սոսինձը լայնորեն տարածվել է նեյրովիրաբուժության մեջ: Սակայն այն բավականին թանկարժեք է, այդ պատճառով էլ դրա օգտագործումը պետք է հիմնավորված լինի»,- բացատրել է դեմքի պլաստիկ վիրաբույժ Ջուլիան դե Սիլվան:
Բժիշկը պատմում է, որ այս հեղուկը ոչ միայն արագ սոսնձում է հյուսվածքները, այլև զգալիորեն կրճատում է հետվիրահատական շրջանը:
Դե Սիլվան Daily Mail հրատարակչությանը տեղեկացրել է, որ սոսնձով վիրահատությունից հետո սպիերն այդքան էլ տեսանելի չեն, որն առավել գնահատվում է դեմքի վրա պլաստիկ վիրահատությունների ժամանակ:
1. Մինչև վիրահատությունը
2. Անկար բլեֆարոպլաստիկայից անմիջապես հետո
