Իտալիային հոգնեցրել են ռուսաստանցի «օրենքով գողերը»: Երկրի իրավապահ մարմիններն իրենց ռուս գործընկերներին տեղեկացրել են այն մասին, որ 7 «օրենքով գողերի» միջազգային հետախուզում են հայտարարել:
Ինչպես Rosbalt-ին հայտնել է Ռուսաստանի իրավապահ մարմինների աղբյուրը՝ հետախուզում է հայտարարվել Ռովշան Ջանիևի (Ռովշան Լենքորանսկի), Ջեմալ Միքելաձեի (Ջեմո), Կովա Ախվլեդիանիի (Կոբա), Լաշա Նիջարաձեի (Լաշա Ցխալտուբսկի), Կախա Մակալատիայի (Կախա), Կախաբեր Պարպելիայի (Կախա Գալսկի), Ռամազ Ջինչարաձեի (Ռամազ Թբիլիսցի), քրեական հեղինակություն Դավիթ Ղազարյանի դեմ, ով հանդիսանում է «օրենքով գող» Արթուր Ասատրյանի (Դոն Պիպո) օգնականը:
Կարաբիներների վարկածով՝ «օրենքով գողերն» ու քրեական հեղինակությունը հանցակցել են սպանությունների, կազմակերպված հանցավոր գործունեության և փողերի լվացման: Իտալացիները կարծում են, որ այդ անձանց զգալի մասը կարող է գտնվել Ռուսաստանում, և Ռուսաստանի իշխանություններին խնդրել են համապատասխան տեղեկատվություն տրամադրել:
