ԱԺ-ում 2016թ. բյուջեի կատարողականի քննարկման ժամանակ ֆինանսների փոխնախարար Ատոմ Ջանջուղազյանը վարման համակարգում միջոցների խնայողության ռեժիմին առնչվող հարցին ի պատասխան ասաց. «Երկուսն էլ տեղ ունեն՝ և՛ խնայողությունը, և՛ կրճատումը: Սակայն կրճատումը ինքնանպատակ կլինի, եթե դա միտված չի արդյունավետության բարձրացմանը»:
Նախարարի խոսքով՝ միշտ չէ, որ ծախսի կրճատումը նպատակ է. «Որեվհետև ընդհանուր առմամբ ծախսերի կրճատմանը ավելի շատ բացասական ազդեցություն կարելի է վերագրել, քան դրական: Սակայն կառավարությունն այդպիսի նպատակ ունի՝ վարչական ծախսերը նվազեցնել, որը հնարավորություն կտա այդ միջոցներն օգտագործել այլ՝ ավելի շատ ներդրումային ուղղություններով»:
Մանրամասները՝ տեսանյութում: