Վենեսուելայի նախագահի կողմնակիցների խմբերը հանել են Ազգային ասամբլեայի շենքի շրջափակումը, որը գտնվել է ընդդիմության վերահսկողության ներքո։ Այս մասին հայտնել է խորհրդարանի փոխխոսնակ Ֆրեդի Գևարան։
«Այժմ բռնություն գործողները և Ազգային ասամբլեայի շենքը շրջափակածները հիմնականում նահանջել են։ Պատգամավորները, լրագրողներն ու անձնակազմն արդեն դուրս են եկել շինությունից։ Ազգային ասամբլեան պաշտպանվում է»,- Twitter-ի իր էջում գրել է Գևարան։
Ընդհանուր առմամբ, շենքը շրջափակվել է շուրջ 5 ժամ։
Ավելի վաղ Վենեսուելայի ընդդիմության առաջնորդ, Միրանդա նահանգի նահանգապես Էնրիկե Կապրիելսը հաղորդել է, որ Ազգային ասամբլեայի պատգամավորներին «զինված խմբավորումներն» արգելափակել են խորհրդարանի շենքում։ Դրանից առաջ ազգային գվարդիայի զինծառայողները ծեծի են ենթարկել մի քանի պատգամավորների ու լրագրողների։
