Ազգային ժողովում «Հայաստանի Հանրապետության 2016 թ. պետական բյուջեի կատարման մասին» տարեկան հաշվետվության ժամանակ ՀՀ ֆինանսների նախարար Վարդան Արամյանը, անդրադառնալով արտաքին պարտքի վերաբերյալ հարցին, նկատեց. «Մեր ներկայացրած ցուցանիշները հարաբերական են: Անվանական առումով պարտքի մեծացումը խնդիր չէ»:
Նրա խոսքով՝ ակնհայտ է, որ եթե քո եկամուտները չեն հերիքում ծախսերդ կատարելու համար, դու պետք է ծախս վերցնես. առանց դրա հնարավոր չէ:
Պատասխանելով հարցին՝ մինչև ե՞րբ կարելի է պարտք վերցնել, նախարարն ասաց. «Մենք շարունակելու ենք պարտք վերցնելը: Սակայն ամենակարևորը այդ հարաբերական ցուցանիշների կամաց-կամաց կարգաբերելն է»:
