Այսօր՝ հունիսի 24-ին, խոշոր ավտովթար է տեղի ունեցել Գեղարքունիքի մարզում։ Ժամը 06։30-ի սահմաններում Վարդենիս-Դարանիկ ավտոճանապարհի՝ Դարանիկ գյուղի վարչական տարածքում ՀՀ ՊՆ հաշվեկշռում հաշվառված ՊՆ համարանիշներով ГАЗ 66 մակնիշի ավտոբուսը կողաշրջվել է։
Ավտոբուսում եղել են 30 պայմանագրային զինծառայողներ, որից 14 հոգի տարբեր աստիճանի մարմնական վնասվածքներով տեղափոխվել են Վարդենիսի զինվորական հոսպիտալ։
shamshyan.com-ի տեղեկություններով՝ նրանց կյանքին ու առողջությանը վտանգ չի սպառնում։ Այս պահին բոլորը գտնվում են բժիշկների հսկողության տակ։ Վթարի պատճառը եղել են գյուղամիջյան ճանապարհին հայտնված խոշոր եղջերավոր անասունները, և վարորդը, խույս տալով նախրից, չի կարողացել կառավարել ավտոմեքենան, և այն կողաշրջվել է։
Փաստի առթիվ զբաղվում է ՀՀ ՊՆ ռազմական ոստիկանությունը։