Ֆրանսիացի հայտնի դերասան Ալեն Դելոնը, որը հոսպիտալացվել էր սրտի խնդիրների պատճառով, վերադարձել է թատերական աշխատանքին: Այս մասին հաղորդում է Radio France International-ը:
«Պարոն Դելոնն այլևս հոսպիտալացված չէ: Երեկ երեկոյան նա արդեն փորձնական բեմականացմանն էր մասնակցում մյուս դերասանների հետ»,- ասել է դերասանի ներկայացուցիչը:
Նրա խոսքով՝ արդեն ուրբաթ օրը 77-ամյա դերասանը ներկա է եղել «Սովորական օր» ներկայացման փորձին:











































