Իսպանիայում ուժի մեջ է մտել օրենք, որով 6 տարվա ազատազրկում է նախատեսվում այն կայքերի տերերի դեմ, որոնց ռեսուրսները հղում են տալիս ծովահենային նյութերին: Այս մասին հայտնում է Reuters գործակալությունը:
Օգոստոսի 20-ին քրեական օրենսդրությունում արված փոփոխությունները վերաբերում են նաև նրանց, ովքեր «ուղղակի կամ ոչ ուղղակի» եկամուտ են ստանում ցանցահենային նյութերին հղում անող կայքերից: Դա կարող է լինել օրինակ՝ գովազդի տեղադրում:
Համաձայն նոր կանոնների՝ կայքերից օգտվողները քրեական պատասխանատվություն չեն կրի: Պատասխանատվությունից ազատվում են նաև որոնողական համակարգերի սեփականատերերը:
