2011 թ. հունվար-ապրիլին մարդասիրական օգնության կարգով ՀՀ են ներմուծվել 1,513.3 տոննա ապրանքներ, որոնց արժեքը կազմել է 6,269.1 մլն դրամ կամ 17.0 մլն դոլար: Այս մասին ասվում է Ազգային վիճակագրական ծառայության հրապարակման մեջ։ Նախորդ տարվա համեմատ, մարդասիրական օգնության ծավալներն աճել են 15.8%-ով։
Ստացված օգնության 52.4%-ը կազմել է քիմիայի և դրա հետ կապված արդյունաբերության ճյուղերի արտադրանքը, 18.1%-ը՝ մեքենաները, սարքավորումները և մեխանիզմները, 8.7%-ը՝ մանածագործական իրերը, 3.7%-ը՝ սարքերը և ապարատները, 3.9%-ը՝ տարբեր արդյունաբերական ապրանքներ, իսկ 13.2%-ը՝ մնացած ապրանքները:
