Մինչև երեք տարեկան երեխաները շուտ են ընկալում և կարող են մեծ ծավալով տեղեկատվություն յուրացնել: Դրանից օգտվում են հնդկական քոչվոր վադի ցեղի ներկայացուցիչները, ովքեր երեխաներին փոքր հասակից սովորեցնում են թունավոր օձեր վարժեցնել։ Դա շատ ծանր գործ է, թեև երեխաներն այն կատարում են որպես առօրյա, սովորական աշխատանք:
Հենց որ վադի ցեղի երեխան երկու տարեկան է դառնում, նրան սկսում են սովորեցնել օձեր վարժեցնել, այդ գործընթացն ավարտվում է տասը տարեկան հասակում, երբ երեխան տիրապետում է այդ զարմանալի արվեստի բոլոր նրբություններին ու գաղտնիքներիը: Հազարամյակների պատմություն ունեցող ավանդույթի համաձայն՝ տղաները վարժեցնում են օձերին, իսկ աղջիկները կերակրում են նրանց, հոգ են տանում նրանց մասին, նույնիսկ զվարճացնում են նրանց:
Ընդ որում, վադի ցեղի անդամները ոչ մի օձի անազատության մեջ 7 ամսից ավել չեն պահում. այդպիսին է օձերին հարգանքի տուրք մատուցելու ավանդույթը: