Չինաստանում շատ սուր է ազատ տարածքների խնդիրը: Մասնավորապես, գերեզմանատների համար հատկացված հողատարածքները չեն բավականացնում: 1,35 միլիարդ բնակչություն ունեցող պետության համար արագ զարգացող տնտեսության և անշարժ գույքի գների պայմաններում հողում մարդուն հուղարկավորելը իրականում թանկարժեք և հազվադեպ արտոնություն է դառնում: Որոշ քաղաքներում իշխանությունները փորձում են մարդկանց համոզել իրենց հարազատներին ծովում թաղել: Իշխանությունները պարտավորվում են հանգուցյալի ընտանիքին 1300 դոլար վճարել՝ դրանով փոխհատուցելով դիակիզման և նավով մոխիրը ծովի վրա տարածելու ծախսերը:
Թվում է, թե այս արարողությունը բավականին թանկ արժե, սակայն Չինաստանի համար դա ավելի էժան է, քան հողում հուղարկավորելը՝ հաշվի առնելով գերեզմանին հետևելու ծախսերը: Պեկինում ամենաէժան գերեզմանը, որտեղ դրվում է մոխիրով սափորը, 16 000 դոլար արժե: Այնպես որ հուղարկավորությունն իրական խնդիր է, որը Չինաստանը պետք է հիմա լուծի, քանի որ մոտակա տարիներին 20 միլիոն տարեց մարդկանց մահ է կանխատեսվում, գրում է realfacts.ru-ն:
