ԱՄՆ-ում Boeing 767 ինքնաթիռի երկու ուղևորների միջև տեղի ունեցած ծեծկռտուքի պատճառով օդ են բարձրացել F-16 երկու կործանիչներ, որոնք ուղեկցել են United Airlines ավիաընկերության ուղղաթիռը դեպի օդանավակայան:
Ինքնաթիռն ուղևորվում էր Դալասից դեպի աֆրիկյան Գանա, երբ ուղևորներից մեկը վրդովվել է դիմացի թիկնակի թեքությունից: Լեզվակռիվը վեր է ածվել ծեծկռտուքի, ինչից հետո օդաչուները որոշում են կայացրել կործանիչներ կանչել՝ ինքնաթիռն օդանավակայան ուղեկցելու համար: Այս մասին հաղորդում է Reuters գործակալությունը:
Վայրէջքից հետո երկու ուղևորներն էլ ձերբակալվել են: Ավիաընկերությունում հայտնել են, որ կործանիչներ կանչելը սովորական երևույթ է նմանատիպ արտառոց իրավիճակներում:
