ՀՀ անկախության 22-րդ տարեդարձի կապակցությամբ 2013թ. սեպտեմբերի 19-ին Բելառուսի Հանրապետության մամուլի ազգային կենտրոնում կայացել է Բելառուսում ՀՀ դեսպան, ԱՊՀ կառույցներում ՀՀ մշտական ներկայացուցիչ Արմեն Խաչատրյանի մամուլի ասուլիսը։
ՀՀ դեսպանը ներկայացրել է Հայաստանի անկախության 22 տարիների անցած ուղին, Հայաստանի ներկա սոցիալ-տնտեսական ցուցանիշները, հայ-բելառուսական հարաբերությունների ներկա վիճակը և երկկողմ առևտրա-տնտեսական համագործակցության ծավալները։
ՀՀ դեսպանին ուղղված հարցերը հիմնականում վերաբերում էին հայ-բելառուսական առևտրա-տնտեսական համագործակցության հեռանկարներին և Մաքսային միությանը միանալու ՀՀ որոշմանը:
