ԱՄՆ Չիկագո քաղաքի այգում հրաձգությունը, որի հետևանքով վիրավորվել է 13 մարդ, կազմակերպել են տեղի ավազակները: Այս մասին հաղորդում է Chicago Sun-Times-ը՝ վկայակոչելով ականատեսներին:
Նախնական տեղեկատվության համաձայն՝ փոխհրաձգությունը տեղի է ունեցել Cornell Square այգու բասկետբոլի դաշտում: Քաղաքային հիվանդանոցի ներկայացուցիչները, որտեղ տեղափոխվել են վիրավորները, հաղորդել են, որ վիրավորներից երեքի վիճակը գնահատվում էծանրից մինչև ծայրահեղ ծանր, վիրավորներից չորսի վիճակը միջին ծանրության է:
Ականատես Ջուլիան Հարիսի խոսքով՝ դրեդերով տղամարդը կրակել է իր կողմը, այնուհետև ավտոմեքենան ուղղել է բասկետբոլային հրապարակի կողմը, որտեղից ևս կրակոցներ են հնչել:
«Նրանք ամեն գիշեր այստեղ են գալիս մարդկանց վրա կրակելու համար. դա ավազակախումբ է»,- ասել է Հարիսը:
