Անկախ Ասոցացման համաձայնագրին մեր վերաբերմունքից՝ սեպտեմբերի 3-ին կատարվածը ստորացում էր մեր հանրապետության համար: Արևելյան գործընկերության քաղաքացիական հասարակության ֆորումի Հայաստանի ազգային պլատֆորմի` սեպտեմբերի 19-ին Երևանում կազմակերպած համաժողովին նման համոզմունք հայտնեց Հայաստանում Հելսինկյան կոմիտեի նախագահ Ավետիք Իշխանյանը:
«Հայաստանի վիճակը շատ բարդ է, իշխանությանը ենթարկում են ճնշումների, ինչի հետևանքով երկիրն իր կուրսից շեղվում է: Նորմալ երկրում իշխանությունը հրաժարական կտար, իսկ այս պարագայում ես ինքս մեզ արդեն լուրջ չեմ վերաբերվում»,- ասաց նա: Իշխանյանի խոսքով՝ Հայաստանում ձևավորված ընդդիմադիր քաղաքական ուժ էլ չկա, հակառակ դեպքում նրանք կպահանջեին Սերժ Սարգսյանի հրաժարականը, իսկ այս դեպքում երևի անհամբեր սպասում էին, որ Ասոցացման համաձայնագիրը ստորագրվի, իրենք էլ Ռուսաստանի օգնությամբ այստեղ խժդժություններ անեն:
Իշխանյանը նաև նշեց, որ հիմնավոր կասկածներ ունի՝ արդյոք սահմանադրական բարեփոխումները միտված չե՞ն նաև նախագահի անժամկետ իշխանությանը: Նա նշեց, որ դեռևս չի պատկերացնում գործողությունների «Պլան Բ»-ն:
Մանրամասները` տեսանյութում:
