Երեկ ԱԺ-ն ընդունեց պետգույքի մասնավորեցման 2017-2020թթ. ծրագրի նախագիծը: Մասնավորեցվող կառույցների ցանկում է նաև «Հրազդանի մարզահամալիր» ՓԲԸ-ն: Մարզահամալիրի սեփականատեր ԱԺ նախկին ՀՀԿ-ական պատգամավոր Աշոտ Աղաբաբյանը դեմ է այս գործընթացին: Նրա խոսքով պահուստային մարզահամալիրը չպետք է ընդգրկվեր մասնավորեցվող կառույցների ցանկում, իսկ եթե արդեն ընդգրկվել է, ապա դրա համար սահմանվող գինը շատ թանկ է: Հողատարածքը չի կարող այդքան թանկ արժենալ:
Սեփականատերը դեմ է դրան, քանի որ այն համարվում է «Հրազդան» կենտրոնական մարզադաշտի անբաժանելի մասը, որը 2 տարով վարձակալված է կենտրոնական մարզադաշտի կողմից: Աղաբաբյանի խոսքով՝ կառույցը սնանկացման եզրին է և չի կարող մասնավորեցվել: «Դա գործում է որպես պահուստային դաշտ: Այն ժամանակին եղել է սեփականաշնորհման ցուցակի մեջ: Պետք է տանեն սեփականաշնորհման: Ես նամակով խնդրել է վարչապետին դա հանել մասնավորեցվող կառույցների ցանկից, բայց դեռ պատասխան չեմ ստացել»,-«Առաջին լրատվական»-ի հետ զրույցում ասաց Աղաբաբյանը:
Նրա խոսքով եթե անգամ մարզադաշտը չհանեն էլ սեփականաշնորհվող հաստատությունների ցանկից, ապա դրա գինը որպես պահուստային մարզադաշտի, չի կարող կես միլիոն դոլար արժենալ: «ֆուտբոլի դաշտը չի կարող այդքան թանկ լինել: Դա գնահատել են որպես բիզնես պրոյեկտ: Հողի նշանակությունը սպորտային է և միայն հող նշանակությունը փոխելուց հետո այն կարող է այդքան թանկ արժենալ: Ֆուտբոլի գնդակը 2.5 միլիոն դոլարանոց հողի վրա չի խաղացվի: Դա անտրամաբանական է»,-ասաց Աղաբաբյանը՝ հավելելով, որ եթե գինը չեժանացվի, ինքը չի գնի դա: