Բուհերի շրջանավարտների համար աշխարհի լավագույն գործատուն Google-ն է: Այս մասին են վկայում Universum ընկերության հետազոտության արդյունքները: Google-ը հաղթել է ինչպես գործարար, այնպես էլ ինժեներային կատեգորիաներում: Այս մասին հայտնում է lenta.ru-ն:
Բիզնեսին առնչվող մասնագիտություններով շրջանավարտների համար գրավիչ գործատուների եռյակում են նաև EY աուդիտորը (նախկին Ernst & Young-ն է) և Goldman Sachs ներդրումային բանկը: Ճարտարագիտական մասնագիտություններով բուհեր ավարտած երիտասարդների համար երկրորդ և երրորդ տեղերում են Microsoft-ն ու IBM-ը:
Բիզնես կատեգորիայի տասնյակում գերակշռում են աուդիտորական ընկերություները: Թոփ տասնյակում են նաև Apple-ը, Microsoft-ը, Coca-Cola-ն և Procter & Gamble-ը:
Ինչ վերաբերում է ճարտարագիտական կատեգորիային, այնտեղ նույնպես Apple-ը առաջատար դիրքերում է: Թոփ տասնյակում են հայտնվել նաև BMW, Sony, General Electric, Siemens և Intel ընկերությունները:
Հետազոտությունն անցկացվել է աշխարհի 12՝ խոշորագույն տնտեսություն ունեցող երկրների ուսանողների շրջանում: Հարցման է ենթարկվել մոտ 200 հազար ուսանող:
