Խոսելով «ՀՀ կառավարության աշխատակազմի ղեկավար-նախարար» քաղաքական պաշտոնը «ՀՀ կառավարության աշխատակազմի ղեկավար» հայեցողական պաշտոնով փոխարինելու օրինագծի մասին՝ «Հանրապետական» խմբակցության պատգամավոր Հրայր Թովմասյանը նշեց, որ աշխատակազմի-ղեկավար նախարար պաշտոնները եղել են նախկինում էլ և պարզ է, որ կառավարությունն է որոշում, թե ինչպես իրականացնել իր գործառույթները: Նա նշեց, որ այս կառավարությունը որոշել է քաղաքական պատասխանատվությունից ազատել կառավարության աշխատակազմի ղեկավար-նախարարին:
Թովմասյանն ընդգծեց, որ աշխատավարձի չափը պետք չէ կապել պաշտոնի նսեմացման հետ: «Մենք գտնվում ենք անցումային փուլում ու կարծում եմ, որ 2018թ.-ից ունենալու ենք այլ կառուցվածք կառավարությունում, կատարելու ենք փոփոխություններ, որպեսզի գործադիր ողջ իշխանությունը քաղաքական պատասխանատվություն ունենա ԱԺ նկատմամբ»,- նշեց Հրայր Թովմասյանը:
Մանրամասները՝ տեսանյութում:
