Սիրիացի զինվորականները մեղադրել են Թուրքիային լարվածությունը սրելու փորձի մեջ՝ այն բանից հետո, երբ թուրքական ռազմական ինքնաթիռը սիրիական ուղղաթիռ է խփել ՝ հայտնում է Reuters գործակալությունը:
«Թուրքական կողմից շտապողական գործողությունները Սիրիայի նկատմամբ Էրդողանի կառավարության իրական մտադրությունների՝ լարվածության սաստկացման և երկու երկրների միջև սահմանային իրավիճակի սրման ապացույց են»,- հայտարարել են Սիրիայի ԶՈւ ներկայացուցիչները: Նրանք նաև նշել են, որ ուղղաթիռը եղել է հետդարձի ճանապարհին և չի ստացել մարտական առաջադրանք:
Ավելի վաղ հաղորդվել է, որ սիրիական ուղղաթիռը հարձակման է ենթարկվել Թուրքիայի օդային տարածք ներխուժելուց հետո:
