Տարերային աղետների հետևանքները համաշխարհային տնտեսությանը տարեկան արժենում են 520 մլրդ դոլար և հանգեցնում 26 մլն մարդու աղքատացման։ Դա անթույլատրելի է, և միջազգային հանրությունը պետք է ընդունի միջոցառումներ՝ հայտարարել է ՄԱԿ-ի գլխավոր քարտուղարի առաջին տեղակալ Ամինա Մուհամմադը՝ ելույթ ունենալով մեքսիկական Կանկուն քաղաքում Տարերային աղետների ռիսկի նվազեցման հարցերով համաժողովի բացմանը։ Այս մասին հայտնում է unmultimedia.org-ը։
«Գլխավոր քարտուղարն առաջնահերթ է համարում կանխումը՝ լինի դա հակամատություն, տարերային աղետների հետևանքներ կամ մարդկանց բարեկեցության դեմ որևէ այլ սպառնալիք։ Սպառնալիքների հետմղման լավագույն միջոցը ներառական և կայուն զարգացումն է, որը կօգնի վերացնել խնդիրների արմատական պատճառները»,-ասել է նա։
Ամինա Մուհամմադի խոսքով՝ կառավարությունները պետք է կանխման միջոցառումներին վերաբերվեն նույնքան լուրջ, որքան արդեն պատահած աղետների հետևանքների վերացմանը։ Նա կոչ է արել վերաբնակեցնել վտանգավոր գոտիներում բնակվող մարդկանց, պայքարել ապօրինի շինարարության դեմ, պաշտպանել շրջակա միջավայրն ու դիմակայել կլիմայի փոփոխմանը։
