Սախարովի անվան «Հանուն մտքի ազատության» մրցանակի թեկնածուները Եվրախորհրդարանում պաշտոնապես կներկայացվեն արտաքին գործերի և զարգացման խորհրդարանական կոմիտեների և մարդու իրավունքների ենթակոմիտեի համատեղ նիստի ժամանակ: Այս մասին հաղորդում է Ria Novosti-ն:
ԵԽ պատգամավորները մրցանակի համար առաջադրել են ԿՀՎ նախկին աշխատակից Էդվարդ Սնոուդենի թեկնածությունը, ով գաղտնազերծել է ԱՄՆ ԱԱԳ տեղեկությունները, ՅՈՒԿՈՍ ընկերության նախկին տնօրեն Միխայիլ Խոդորկովսկուն, ձերբակալված բելառուս ընդդիմադիրներ Ալեսյա Բելյացկիին, Նիկոլայ Ստատկևիչին և Էդուարդ Լոբովին, ինչպես նաև 15-ամյա պակիստանցի ակտիվիստ Մալալա Յուսուֆզային, ում 2012-ի հոկտեմբերին հրազենով վիրավորել էին թալիբները:
Հոկտեմբերի 10-ին ԵԽ քաղաքական խմբակցությունների առաջնորդները կհայտարարեն մրցանակակրի անունը, իսկ մրցանակի հանձնման արարողությունը տեղի կունենա նոյեմբերին՝ Ստրասբուրգի ասամբլեայի նստաշրջանի ժամանակ:
Նշենք, որ Սախարովի մրցանակին արժանանում են այն մարդիկ, ովքեր ներդրում ունեն մարդու իրավունքների պաշտպանության գործում:
