Այս տարվա երկրորդ եռամսյակի վերջի դրությամբ Հայաստանում շրջանառության մեջ գտնվող քարտերի ընդհանուր քանակը կազմել է 1.5 մլն, ինչը նախորդ եռամսյակի համեմատ ավելացել է 7%-ով: Ամենաարագն ավելացել են VISA քարտերը` 9%-ով: VISA քարտերն առաջատար են և՛ ավելացման տեմպով, և՛ քանակով: Այս տեսակի քարտերի թիվը հասել է 594 հազարի: Այնուհետև գալիս են ԱրՔա քարտերը, որոնք ավելացել են 5%-ով և կազմել 545 հազար, 296 հազարի հասնող MasterCard-երը նույնպես ավելացել են 5 տոկոսով:
Ընդ որում, քարտերով անկախիկ գործառնությունները բավական հետ են մնում: Երկրորդ եռամսյակում վճարային քարտերով իրականացվել է 265.3 մլրդ դրամի 5.0 մլն գործառնություն: Այս ամբողջ ծավալում քարտերով անկանխիկ գործառնությունների ծավալը կազմել է ընդամենը 26.2 մլրդ դրամ: Իսկ անկանխիկ գործարքներից` ինտերնետ միջավայրում իրականացվածներ կազմել են 5.8 մլրդ դրամ: Չնայած փոքր ծավալին անկանխիկ գործարքների ծավալն` անցած տարվա նույն ժամանակի համեմատ ավելացել է 19 տոկոսով:
