Ավելի քան 100 մեդալներ, որոնք մարզիկները նվաճել էին 2016 թվականին Ռիո դե Ժանեյրոյում անցկացված Օլիմպիական խաղերի ժամանակ, վերադարձվել են կազմակերպիչներն՝ դրանց վրա հայտնված ժանգի ու սև բծերի պատճառով։ Այս մասին հայտնում է Reuters գործակալությունը՝ հղում անելով 2016-ի խաղերի կազմկոմիտեի հաղորդակցության հարցերով տնօրեն Մարիո Անդրադային։
Նրա խոսքով՝ անցած տարի մեդալները հատած Բրազիլիայի դրահատարան են վերադարձվել ավելի քան 130 մրցանակներ, մեծամասամբ՝ բրոնզե։ Այժմ մասնագետներն իրականացնում են դրանց վերականգնման աշխատանքներ։
Անդրադայի խոսքով՝ ամենատարածված խնդիրը նրանում է, որ մեդալները պահվել են ոչ պատշաճ կերպով, ինչի հետևանքով վնասվել է լաքային ծածկույթը։
Վերադարձված մեդալների թվում կան նաև մրցանակներ 2016 թվականի Պարալիմպիկ խաղերից։
Անդրադան հավելել է, որ առաջին մեդալները վերականգնման են վերադարձվել դեռևս հոկտեմբերին։ Նրա խոսքով՝ «դա հանդիսանում է միանգամայն նորմալ պրակտիկա»։
Ընդհանուր առմամբ՝ 2016 թվականի խաղերի հանար պատրաստվել էր 2488 մեդալ, որից 812-ականը՝ ոսկե և արծաթե, 864-ը՝ բրոնզե։
