ՀՀ-ում ԱՄՆ դեսպանատունը՝ ՀՀ Էներգետիկայի և բնական պաշարների նախարարության և Կոնտուր Գլոբալ ընկերության հետ համատեղ կազմակերպել է մեկօրյա համաժողով, որի ընթացքում վերականգնվող էներգետիկայի մի քանի առաջատար ամերիկյան ընկերությունների ներկայացուցիչներ և շուրջ 70 հայկական ընկերություններ պետք է քննարկեն վերականգնվող էներգետիկայի ոլորտում համագործակցության հնարավոր տարբերակները:
«Այսօրվա միջոցառմանը ներկա են մի շարք ամերիկյան ընկերություններ, որոնք հետքրքրություն են արտահայտել վերականգնվող էներգետիկայի ոլորտում ներդրումներ կատարելու վերաբերյալ: Սա երկրորդ միջոցառումն է, որ կազմակերպվում է ԱՄՆ դեսպանատան կողմից, առաջին միջոցառումը կազմակերպվել էր անցած տարի, որին ավելի շատ ամերիկահայ գործարարներ էին մասնակցում, այս տարի արդեն ամերիկյան ընկերությունների ներկայացուցիչներ են այցելել՝ ծանոթանալու ներդրումային հնարավորություններին»,- այս մասին լրագրողների հետ զրույցում ասաց ՀՀ էներգետիկայի և բնական պաշարների նախարարի տեղակալ Հայկ Հարությունյանը:
Նրա խոսքով՝ սա շատ լավ նշան է. արդեն մեր բարեփոխումները, մեր ներդրումային ծրագրերը այնպիսի արձագանք են ստացել, որ օտարերկրյա ներդրողները գալիս են Հայաստան, որպեսզի մոտիկից ծանոթանան և ներդրումներ կատարեն վերականգնվող էներգետիկայի ոլորտում:
Հ. Հարությունյանը նաև հավաստիացրեց, որ հստակ ծրագրեր են ներկայացվելու: «Ներկայումս 55մգվտ հզորությամբ արևային կայանի մրցույթը մեկնարկել է, նախաորակավորման փուլում է: Բավականին ակտիվ մրցույթ է լինելու, մեծաթիվ մասնակիցներ ենք ունենալու՝ ներառյալ ԱՄՆ-ից»:
Մանրամասները՝ տեսանյութում:
