NASA-ն ցուցադրել Է նոր մարսագնացի լիամասշտաբ մոդելը: Ինչպես գրել Է Daily Mail հրատարակությունը, ռովերը հիշեցնում Է բեթմոբիլ՝ Lamborghini-ի եւ տանկի հիբրիդը Քրիստոֆեր Նոլանի եռերգությունից:
Վեցանիվ մարսագնացը կարող Է տեղափոխել մինչև վեց աստղագնացների, սնուցվում Է կուտակչային մարտկոցներից և իրենից ներկայացնում Է դյուրատար լաբորատորիա: Ներկայացված մոդելը երբեք չի հայտնվի Մարսի վրա: Այն նախատեսված Է Երկրի վրա նման ռովերների թեստավորման և ԱՄՆ-ում NASA-ի գիտահանրամատչելի ծրագրերի իրականացման համար:
Ածխածնային մանրաթելից և ալյումինից պատրաստված մարսագնացի երկարությունը 8,5 մետր Է, լայնությունը՝ 4 մետր և բարձրությունը՝ 3,4 մետր: Մարսագնացի զանգվածը գնահատվում Է 2,25 տոննա: Ռովերն ունակ Է զարգացնելու ժամում մինչեւ 110 կիլոմետր արագություն:
