«Այսօր ժամը 8-ին մենք քննարկում ունենք ԿԸՀ-ում: Դուք գիտեք՝ ինչեր ենք հայտնաբերել: Երբեք այսպիսի փաստական բազա չի եղել,- այսօր լրագրողների հետ զրույցում ասաց «Ելք» դաշինքի քաղաքապետի թեկնածու Նիկոլ Փաշինյանը: -Գտել ենք ուղեցույց ընտրակաշառք բաժանողների մասին, որտեղ նշված է. «Հարցնում է` ով է տան ակտիվիստը և նրա հետ առանձնանում ննջարան կամ բաղնիք (զապիսից խուսափելու համար)«: Ես չեմ հասկանում՝ Հայաստանում այնքան դեգրադացիա՞ է, որ կարող է ինչ-որ մեկը տան կնոջ կամ թեկուզ տղամարդու հետ մտնի ննջարան կամ բաղնիք և փողով գործողություններ անի՞»:
Փաշինյանի հավաստմամբ՝ բացի դրանից՝ ոստիկանության 27-02-02 համարից ֆաքս է արվել Տարոն Մարգարյանի նախընտրական շտաբ, թե ոստիկանության գնդի աշխատակիցներից ով քանի ձայն է բերելու Տարոն Մարգարյանի համար: Եվ հաջորդը՝ ընտրակաշառք բաժանողների ցուցակներ կան, թե ինչքան փող է տրվել նրանց և նրանցից ով քանի ձայն է ապահովելու:
«Սա ընտրակաշառքապետություն է, բայց ես ուզում եմ եմ հնչեցնել հարցը, որին պետք է երևանցիները պատասխանեն առաջիկա ընտրություններում՝ իրենց ընտրությամբ. համաձա՞յն ենք, որ Տարոն Մարգարյանի տասովշիկները մտնեն մեր ննջարանները և բաղնիքները»,- ընդգծեց Նիկոլ Փաշինյանը:
Մանրամասները՝ տեսանյութում:
