Երևանում 2013-2017թթ բարեկարգվել, կահավորվել և նկարազարդվել է 1600 բակային տարածք, ստեղծվել է 54 մինի ֆուտբոլի դաշտ, աշխատանքներ են կատարվել նախորդ տարիներին կառուցված մինի ֆուտբոլի դաշտերում,բարեկարգված բակերի տարածքներում տեղադրվել է 551 մանկական խաղ,բակերում տեղադրվել է 1161 մարզասարք, Երևանում սալիկապատված մայթերի մակերեսը կազմում է 48 հազար 420 քմ: Այս մասին տեղեկացրին Երևանի քաղաքապետարանի տեղեկատվության և հասարակայնության հետ կապերի վարչությունից՝ հավելելով. «Երևանի քաղաքապետարանի աշխատակազմի տեղեկատվության և հասարակայնության հետ կապերի վարչությունը վերսկսում է «Մենք հաշվետու ենք մեր համաքաղաքացիներին» խորագրով Երևան քաղաքի զարգացման քառամյա ծրագրի շրջանակում 2013-2017թթ. մայրաքաղաքում իրականացված աշխատանքների ամփոփ ներկայացումը:
Առաջիններից մեկը ներկայացնում ենք մայրաքաղաքի բարեկարգմանն ուղղված աշխատանքների ցուցանիշները, քանի որ յուրաքանչյուր քաղաքում հարմարավետ կենսակերպը պայմանավորվում է բարեկարգ և լուսավոր բակերով, ճանապարհներով, նորոգված շենքերով և քաղաքային հարմարավետ միջավայրով: Այդ նպատակով 2013-2017թթ. շարունակվել են իրականացվել շինարարական և բարեկարգման լայնածավալ ծրագրեր, որոնց հիմքում միշտ եղել է համաչափ զարգացման սկզբունքը:
Ըստ շինարարության և բարեկարգման ոլորտի 2013-2017թթ. ցուցանիշների՝
- Երևանում բարեկարգվել, կահավորվել և նկարազարդվել է 1600 բակային տարածք,
- ստեղծվել է 54 մինի ֆուտբոլի դաշտ, աշխատանքներ են կատարվել նախորդ տարիներին կառուցված մինի ֆուտբոլի դաշտերում,
- բարեկարգված բակերի տարածքներում տեղադրվել է 551 մանկական խաղ,
բակերում տեղադրվել է 1161 մարզասարք,
- Երևանում սալիկապատված մայթերի մակերեսը կազմում է 48.420 քմ:
Հիշեցնենք, որ ամբողջական հաշվետվության էլեկտրոնային տարբերակին կարող եք ծանոթանալ հետևյալ հղումով»։
