Վաշինգտոնում սկսվել են Ռուսաստանի արտաքին գործերի նախարար Սերգեյ Լավրովի և ԱՄՆ-ի պետքարտուղար Ռեքս Թիլերսոնի բանակցությունները, հաղորդում է RIA Novosti-ն:
Թիլերսոնը ռուս գործընկերոջ հետ հանդիպման մեկնարկին ասել է, որ ԱՄՆ-ը և Ռուսաստանը շարունակելու են երկխոսությունը, որը սկսվել է անցած ամիս Մոսկվա կատարած իր այցի ժամանակ:
Ինչպես ավելի վաղ հաղորդել են ՌԴ ԱԳ նախարարությունում, բանակցությունների ուշադրության կենտրոնում լինելու Է Սիրիայի իրադրությունը: Կողմերը կքննարկեն նաև Ուկրաինայի հակամարտության կարգավորումը, Կորեական թերակղզու իրադրությունը և մի շարք երկկողմ հարցեր:
Լավրովը ԱՄՆ Է ժամանել եռօրյա աշխատանքային այցով: Մայիսի 10-ին նաեւ տեղի կունենան նրա բանակցությունները ԱՄՆ-ի նախագահ Դոնալդ Թրամփի հետ: Դրանից հետո ՌԴ ԱԳ նախարարը կուղևորվի Ալյասկա, որտեղ մայիսի 11-ին կմասնակցի Արկտիկական խորհրդի նախարարական հանդիպմանը:
