Ստամբուլում, Անկարայում, Իզմիրում և Թուրքիայի այլ քաղաքներում սեպտեմբերի 11-ի երեկոյան վերսկսվել են հակակառավարական ցույցերը: Մայրաքաղաքում օդ են բարձրացվել ոստիկանական ուղղաթիռներ:
Մամք շրջանում բնակչությունը բողոքում է մզկիթի և կրոնական համալիրի շինարարության դեմ, որը հովանավորում է պահպանողական սունիական Ֆեթուլլահ Գյուլեն շարժումը՝ հաղորդում է ITAR-TASS-ը: Ցուցարարները պատնեշներ են կառուցել շինհրապարակի մոտ և ամրացնում են դրանք, քանի դեռ ոստիկանությունը սպասում է գրոհի:
Լարված իրավիճակ է Իզմիր և Անթաքյա քաղաքներում, որտեղ ուժայինները կիրառել են արցունքաբեր գազ և ջրցան՝ հավաքվածներին ցրելու համար: Ցուցարարները դրանից հետո շարունակել են վանկարկել հակակառավարական կարգախոսներ և պահանջել վարչապետ Ռեջեփ Թայիփ Էրդողանի հրաժարականը:
Ստամբուլում, որը ցույցերի կենտրոնն է, իրավիճակը դեռևս հանգիստ է: Մի քանի հազար մարդ երեկոյան սկսել է հավաքվել Քադըքեյ հրապարակում՝ ի հիշատակ Անթաքյայում ցույցի ժամանակ զոհված 22-ամյա երիտասարդի:
