«Իմ քաղաքական իդեալիզմն ու երևակայությունը տեսել են չեզոք Հայաստան՝ Շվեյցարիայի տիպի: Ավաղ»,-«168 ժամ» պարբերականի թղթակցի հետ զրույցում այս մասին ասել է «Մխիթար Սեբաստացի» կրթահամալիրի տնօրեն Աշոտ Բլեյանը՝ խոսելով Մաքսային միությանն անդամակցելու մասին Սերժ Սարգսյանի հայտարարության և Հայաստանի աշխարհաքաղաքական ընտրության հարցի շուրջ:
Ըստ նրա, խնդիրն այն է, որ 1991թ. անկախական ոգևորությունը չի վերածվել պետականաստեղծ աշխատանքի, իսկ 1994թ. Ադրբեջանի հետ մայիսյան զինադադարը Հայաստանում ստեղծել է գործող կարգավիճակը՝ ստատուս քվոն, որտեղ, իր խոսքերով, «եթե մարդը խանգարում է՝ զոհվում-հեռանում-չի ապրում»:
«Սրա հոմանիշը Եվրասիական ինտեգրման ուղղությամբ քայլելն է: Ուրեմն սա քայլ է՝ թելադրված ստատուս քվոյի պաշտպանությամբ, այս առումով՝ լրիվ սպասելի, հերթական քայլ: Եվրասիական միություն նախաձեռնած Ռուսաստանը՝ որպես ցարական Ռուսաստան-բոլշևիկյան Ռուսաստան-Նոր Ռուսաստանի իրավահաջորդ, ուրիշ ի՞նչ գործիք ուներ-ունի. ճնշելն է… Սապոգը որ չես հանում, ինչի՞ համար է, եթե ոչ ցեխի մեջ ապրելու, ապրել տալու, ճզմելու»,- ասել է Աշոտ Բլեյանը:
Հոդվածն ամբողջությամբ՝ կարդացեք «168 ժամ»-ի այսօրվա համարում:
