«Երևան մոլ» առևտրի կենտրոնի շինարարության իրականացումը նախագծի սեփականատերերը վստահել են ԲՀԿ խմբակցության պատգամավոր Արագած Ախոյանին պատկանող շինարարական ընկերությանը:
Այս մասին այսօրվա համարում գրում է «Հայկական ժամանակ» օրաթերթն ու հավելում, որ Արշակունյաց 34/1 և 34/3 հասցեներում կառուցվող առևտրի և զվարճանքի կենտրոնի վերաբերյալ մեր հարցմանն ի պատասխան, Երևանի քաղաքապետարանից պատասխանել են, որ շինարարությունն իրականացնում է «Սպիտակ տուն» ՍՊԸ-ն: Այս ընկերությունում, դատելով ՀՀ Էլեկտրոնային ռեգիստրում առկա տվյալներից, հիմնադիր է հանդիսանում հենց Ախոյանը: Գործարար պատգամավորի ընկերությանն է հանձնվել 496,2 և 23716,51 քմ մակերես զբաղեցնող մոլի երկու հիմնական մասերի շինարարությունը:
