Աշխատավորների միջազգային տոնի առիթով «Սանիթեք» ընկերությունը սոցիալական հոլովակ է հրապարակել այն մասին, որ ցանկացած աշխատանքի, այդ թվում նաև՝ աղբահանության ծառայության հետնաբեմում կանգնած են մարդիկ ու մարդկային պատմություններ, իսկ «Սանիթեքը» մարդիկ են և ոչ՝ մեքենաներ։ Այդ մարդկային պատմություններից մեկն էլ ներկայացված է սոցիալական հոլովակում, որը նաև շրջակա միջավայրի հանդեպ հոգատար լինելու յուրատեսակ կոչ է քաղաքացիներին։
Տեսանյութում երևում է «Սանիթեքի» աշխատակցի հոգատար վերաբերմունքը քաղաքի ու նրա բնակիչների հանդեպ։ Նա իր խոսքում հիշեցնում է այնպիսի մարդկանց մասին, որոնց աշխատանքն առաջին հայացքից կարող է նկատելի չլինել շատերի համար, սակայն նրանց բացակայության դեպքում խաթարվում է քաղաքային կյանքի բնականոն ընթացքը։ Հացթուխի, կոշկակարի, պահակի, քաղաքը մաքրող մարդկանց ջանքերը կարևորվում են հոլովակի հերոսի կողմից, քանի որ ինքն էլ լավ գիտի աննկատ, բայց պատասխանատու աշխատանքի գինը։
Սոցիալական հոլովակը կոչված է նպաստելու հանրային ծառայության ոլորտում մարդկանց կողմից քաղաքային միջավայրի հանդեպ պատասխանատվության և հոգատարության մշակույթի ձևավորմանը։
Հոլովակը հասանելի է այստեղ:
