Reddit ամերիկյան սոցցանցի հիմնադիր Ալեքսիս Օհանյանը, որը նշանադրված է աշխարհահռչակ թենիսիստուհի Սերենա Ուիյլամսի հետ և շուտով հայր է դառնալու, պատմել է սիրեցյալի բնավորության, հատկանիշների մասին, հաղորդում է The Daily Mail-ը:
«Նա աշխարհի ամենամեծ սիրտն ունի: Բոլոր նրա հաջողությունները տեսնում են որպես մարզուհի, բայց այդ ամենը գալիս է նրա մեծ սրտից: Նա 100%-ով նվիրվում է այն ամենին, ինչով զբաղվում է՝ որպես ընկեր, սիրուհի կամ մայր»,-ասել է Օհանյանը:
Հիշեցնենք, որ նախօրեին զույգը մասնակցել է Met Gala հագուստի ինստիտուտի ավանդական պարահանդեսին, որը կայացել է Նյու Յորքի Մետրոպոլիտեն թանգարանում:
